એક રાતે ભર સભામાં મારી ગઝલો સાંભળી...

એક રાતે ભર સભામાં મારી ગઝલો સાંભળી,
એક ગભરુ નારના ગાલો ગુલાબી થઈ ગયા.
દ્ગશ્ય આ રંગીન જોઈ શાયરો ના જુથમાં,
જે શરાબી ન હતા તે પણ શરાબી થઈ ગયા.
આંખોથી લઈશું કામ હવે બોલવું નથી,
રૂપાળું એક નામ, હવે બોલવું નથી.
યૌવનમાં એક રેશમી સાહસ કર્યું હતું,
કેવું મળ્યું ઈનામ? હવે બોલવું નથી.
પૂછો ના પ્રિત મોંઘી કે સસ્તી છે દોસ્તો,
ચૂકવી દીધા છે દામ, હવે બોલવું નથી.
જો સામે પક્ષે ‘સૈફ’ નજર નીચી થઈ ગઈ,
શબ્દો હવે હરામ, હવે બોલવું નથી.
- સૈફ પાલનપુરી