હર્ષિદા દીપક

મધરાતે અંધારામાં
એક આવાજ ઉઠ્યો
એય ...મનુજ ... જાગ
ક્યાં ભટકે છે બહાર ..?
બહારના કાંટાળા -- પથરાળા
રસ્તે ચાલી થાક્યો છો ને ...?
કેમ આટલો હાંફે ..? કેટલું વિચારે ..?
ક્યાં અટકીશ ?  અને  ક્યારે બેસિશ ?
સરી ગયો છો ખોટા રસ્તે ---
આવ ... જાગ ...
સાચ્ચો રસ્તો ----
હરિયાળી ધરતી પર
ફૂલોના બગીચે
ભમરાનું ગુંજન - ઝાકળના મોતી,
કોયલનો ટહુકો - મંદિરમાં ઘંટાનો નાદ,
ઉઠ .... જાગ ....
તારી પાસે જે છે તેને
અપનાવી જીવન જગાવ,
પુર્ણ છે - પુર્ણ હશે - પુર્ણ રહેશે,
ક્ષણને સ્વીકારી
ને ------
પથરાયો  તેજ લિસોટો
છેક ભીતરમાં
કિરણ પથરાયુ
પૂર્ણતાની લગોલગ ઊભી
ગુંજ્યો સ્વર --
પુર્ણમેવાવશિસ્યતે ...
    " ૐ "

   --- હર્ષિદા દીપક