શાંતિ . . . . શાંતિ . . . . શાંતિ . . . . . .

શાંતિ . . . . શાંતિ . . . . શાંતિ . .  . . . .
કેમ આટલી નિરવતાં છે અહીં ?
જાણે કે પરિક્ષા નો ઓરડો અને ,
એમાં શાંત બેઠેલાં ભૂલકાંઓના
મનમાં ચાલતી ગડમથલ . . .
બહાર શાંતિ અને ભીતર નર્યો ઉચાટ . . . . . !!
R.R.SOLANKI
(તૃષ્ણા).

તું અને તારી વાતો

તું અને તારી વાતો
તારી સાથે વિતાવેલી
હર એક ઘડી
હર એક ક્ષણમાં
હું મન ભરીને જીવી છું.

તારાં આભાસી સાંનિધ્યની
એ સદભાગી ક્ષણોમાં હું
મન ભરીને ખુબ મનથી હસી છું.
તારા હોવાપણાં ના એ અહેસાસ ને
મેં આત્માથી મહેસુસ કર્યો છે,
ખુબજ,  ખરેખર ખુબજ
મનથી,દિલથી,આત્માથી
તારાં ચરણોમાં પ્રસાદ
મેં પ્રેમનો ,ભાવથી ધર્યો છે..!!
R.R.SOLANKI
(તૃષ્ણા).

મનની મરુભૂમિ..

મનની
મરૂભૂમિમાં
મૃતાત્મા
મશગુલ
મરઘટ મોરલો
મરણચીસે
મ્હારી
મર્યાદા મેલી
મરુભૂમિમાં
મહાલીન છે . . !!
R.R.SOLANKI
(તૃષ્ણા)

ભાવ જુદાં

ભાવ જુદાં ,
ભાવાર્થ જુદાં 
શબ્દ જુદાં,
શબ્દાર્થ જુદાં 
હ્રદય હ્રદય ના ભાવ જુદાં
સૌ સૌના ઘાવ પણ જુદાં ,
માનવી માનવીની જાત તો એક
પણ 
માનવ માનવે મન જુદાં..
કોઇ લાખનો તો
કોઇ ખાખનો
સૌના વેચાણ ના
ભાવ જુદાં..!
મહામુલુ આ માનવજીવન 
જીવવાના પણ 
સૌના અંદાજ જુદાં ...!!

R.R.SOLANKI
(તૃષ્ણા).