માતૃભાષા દિનની શુભેચ્છાઓ ....
Abcd છોડને ભઈલા કખગઘ - બોલ
અંગ્રેજીમાં થાશે ગોટા, ગુજરતી અણમોલ
કે -- ભઈલા ગુજરતી અણમોલ
સ્પેરો કહીને સ્માર્ટ બનતો, ચકલી તું ન બોલે
કબૂતરોની બોલી તારી સ્વર પેટી ન ખોલે
અંગ્રેજીમાં અક્ષર ખોટા, ગુજરતી અણમોલ
કે -- ભઈલા ગુજરતી અણમોલ
કાકી - મામી - માસી માટે એક શબ્દ છે આંટી
ગુજરતી મા એ શબ્દોની બનતી દીવાદાંડી
મળે નહી કઇં આના જોટા, ગુજરતી અણમોલ
કે -- ભઈલા ગુજરતી અણમોલ
ભણવા ઇંગ્લીશ શીખી લેવું ગુજરતી માં જીવો
ગુજરતી અક્ષરની પ્યાલી ઘુંટ ઘુંટ માં પીવો
વેદવ્યાસ ની વાણી મોટા ગુજરતી અણમોલ
કે -- ભઈલા ગુજરતી અણમોલ
કે -- ભઈલા ગુજરતી અણમોલ
- હર્ષિદા દીપક
No comments:
Post a Comment