તું પ્રણયના ફાગમાં રમતી રહી..
વાત સાથે જાત પણ ભળતી રહી...
રાત આખી મેઘલી વરસી રહી..
રાતભર હૈએ મને ભરતી રહી...
અંધકારો આવતો જોયો છે મેં..
ને મિલનની તું ઘડી ગણતી રહી...
જોઇ બારે મેઘ ખાંગાને જરા..
આ હ્રદયમાં કળ મને વળતી રહી...
આ હવા પણ મગ્ન છે જોવા મને..
ને નજર માદક બની ઢળતી રહી...
આહલાદકતા અમનમાં સાંભળી..!!
તૃપ્તિની કવિતા તું સાંભળતી રહી...
પ્રકૃતિના મિષ્ટાનનું છે આ "જગત"..
ઓડકારે આજ તું ચગળતી રહી...
- Jn
No comments:
Post a Comment