તારા મારા દુખને વળાવી નાખીએ

તારા મારા દુખને વળાવી નાખીએ,
ખોટા સપનાઓને ઉડાવી નાખીએ.

બહું નાખુશ છે વાતાવરણ બધો,
ચાલ થોડી ઘણી વસંત વધાવી નાખીએ.

કરીએ એક નવા અધ્યાયની શરૂઆત,
બધી જ ફરિયાદોને  જલાવી નાખીએ.

મળે તું જ ભવોભવ કરી લઈએ નક્કી,
પછી નામ નસીબ માં લખાવી નાખીએ.

હશે કયામતનો દિવસ તો શું કરશું,
ચાલ કબરને આજે જ સજાવી નાખીએ.

બહું દુખે છે જયારે આપણા જ છેતરે,
પછી કેમે કરી આ મનને  મનાવી નાખીએ.

મનને હ્રદય વચ્ચે છે બહું ખેંચતાણ,
"આભાસ" એ વાતને દબાવી નાખીએ.

-આભાસ.