મારી નજરને તારા નયનમાં મળ્યું છે ઘર;
અશ્રુથી અમે અહીંયા જોને રળ્યું છે ઘર.
ભટકી રહ્યો હતો ખુબ લાગ્યો જ થાક તો;
સારું થયું મંઝિલ પર તમારું જ મળ્યું છે ઘર.
ન્હોતી જ જાન એમાં તારા વિના સનમ;
હાથ અડક્યો તમે ત્યાં તો ખળભળ્યું છે ઘર.
ઈંટો નથી, નથી માટી કે સિમેંટ જો;
તારી જ લાગણીઓથી આ ચણ્યું છે ઘર.
આવાસ ની તમે ચિંતા ના કરો મિત્રો;
'પ્રત્યક્ષ' એ કબરને આજે ગળ્યું છે ઘર.
રવિ દવે 'પ્રત્યક્ષ'
No comments:
Post a Comment