" માણસ ત્રાહિમામ્ "

" માણસ ત્રાહિમામ્  "
-------------------------
ઉપર આભમાંથી અગન વરસે,
... માણસ ત્રાહિમામ્.
નીચે ડામર ની સડકો સળગે,
... માણસ ત્રહિમામ્.
કેમે કરી ભેગાં ના થાય બે છેડાં જિંદગીનાં,
... માણસ ત્રાહિમામ્.
રોજ સપના જૂએ,
રોજ સપનાં ચકનાચૂર થાય,
... માણસ ત્રાહિમામ્.
લાગણીઓ નાં સરવાળા કરનાર
ની જ,
લાગણીઓ નાં ઉડાડે છેદ લોકો,
... માણસ ત્રાહિમામ્.
માંડ આજને પૂરી કરી,
કાલ પર મીટ માંડતો,
...માણસ ત્રાહિમામ્.
છે ખબર મૃગજળ જ છે,
છતાં પાછળ દોડતો,
...માણસ ત્રાહિમામ્.
મેઘધનુષ્ય પાસે રંગ ઊછીનાં લઇ,
બ્લેક એન્ડ વ્હાઇટ ચિત્ર દોરતો,
... મણસ ત્રાહિમામ્.
ઉધાર મળેલું આયખું,
ઉધારમાં જ વેડફતો,
... માણસ ત્રાહિમામ્.
મંદિરોમાં ગેરહાજર ભગવાનને
ધંટનાદ કરી પોકારતો,
... માણસ ત્રાહિમામ્.
ને હતો પોતાની અંદર જ
ભગવાન ' મુકેશ',
તેમછતાં જીવનભર દર-બદર ભટકતો,
માણસ ત્રાહિમામ્.
ઉપર આભ થી અગન....
---- મુકેશ મણિયાર.
M-99254 56357.