મોરપીંચ્છનો જીવ ધનેશ મકવાણાને જન્મ દિવસની ખુબ ખુબ શુભકામનાઓ સાથે માણો અલગોતર રતન 'નિરાશ'ની રચના

બીજ એવું આંખમાં વાવી ગયું,
કોળવાનું એટલે ફાવી ગયું.

રોજ ફૂટે કૂંપળો દિલમાં ઘણી,
સ્નેહનું જળ એટલું ભાવી ગયું .

આંગણે સૂકવી હતી ઇચ્છા અમે,
કો'ક બકરું ભૂલથી ચાવી ગયું .

વાત કરતાં 'એ' ઘણી સુખની મને,
તોય પાણી આંખમાં આવી ગયું .

આ હ્રદય થોડું વલોવ્યું યાદમાં,
કોણ માખણ રાતમાં તાવી ગયું.

'નિરાશ'
અલગોતર રતન