કંઈ નવું જોવા મળે તો લખું,
આકાશ નીચે જો પડે તો લખું.
હું રોજ લખ લખ સતત એને કરૂં,
આજે મને કાગળ લખે તો લખું.
બળતું બધું, એમા કહો હું શું લખું?
જો આગ મારાથી બળે તો લખું.
વાચા વિશે મારે કશું કહેવું નથી,
મૂંગા બધા બોલી ઊઠે તો લખું.
નીચે પહાડોથી પડી ને ફરી
પથરા ઉપર પાછા ચઢે તો લખું.
સૂરજ ઊગે ને છાપરાં જો કદી
આખો દિવસ ઢાંકી શકે તો લખું.
બે હાથ ધોઈ લો તમારા પછી
દરિયા બધા મીઠા બને તો લખું.
- શકુર સરવૈયા
No comments:
Post a Comment