કમાલ કરે છે, કમાલ કરે છે
એક ડોસો ડોસી ને હજી વ્હાલ કરે છે.
કમાલ કરે છે, કમાલ કરે છે
એક ડોસી ડોસાને હજી વ્હાલ કરે છે
ડોસો જાગે ત્યારે ચશ્માં આપે
અને બ્રશ ઉપર પેસ્ટને લગાડે,
લોકોનું કહેવું છે કે ડોસીને આમ કરી
ડોસાને શાને બગાડે ?
મસાલા ચા અને ગરમ ગરમ નાસ્તો
ડોસી ડોસાનો કેવો ખ્યાલ કરે છે?
કાનમાં આપે એ એવાં ઈન્જેકશન
કે સિગરેટ શરાબ હવે છોડો,
ડોસો તો પોતાના તાનમાં જીવે
કયારેક વહેલો આવે કે ક્યારેક મોડો.
બન્નેની વચ્ચે વહે આછું સંગીત
પણ બહારથી ધાંધલધમાલ કરે છે.
કમાલ કરે છે, કમાલ કરે છે
એક ડોસી ડોસાને હજી વ્હાલ કરે છે
– સુરેશ દલાલ
Thursday, October 22, 2015
કમાલ કરે છે, કમાલ કરે છે
Subscribe to:
Post Comments (Atom)
No comments:
Post a Comment