થયો છે પ્રેમ,વાતમાં કંઈ માલ નથી.
થયો જાહેર, વાતમાં કંઈ માલ નથી.
હાંક ભારૂ ત્યાં દોડતો આવે બધે,
જો ના આવે તો,વાતમાં કંઈ માલ નથી.
પારખીને સોદા કરૂ છું હૈયાના,
જો છેતરી જાય તો, વાતમાં કંઈ માલ નથી.
તરીને સામે કિનારે પહોંચે જે પ્રેમમાં,
જો ડુબી જાય તો, વાતમાં કંઈ માલ નથી.
પરીક્ષાઓ આપી છે અઢળક જીવનની,
જો થઈ એ નાપાસ તો,વાતમાં કંઈ માલ નથી.
જાતે જ છેતરાયા છીએ સંબંધોમાં,
હવે "આભાસ''ને છેતરી જાય તો, વાતમાં કંઈ માલ નથી.
-આભાસ
No comments:
Post a Comment