ચાલ પીડાઓ સહીએ જે સનમ આપે છે
કોઈ પણ સુખને એ દુ:ખમાથી જનમ આપે છે !
કોઇ અવકાશ નથી કે એ મને પૂછે કંઇ
જન્મ થઇ જાય તે પહેલાં જ ધરમ આપે છે !
એ કોઈ કાવ્ય રચે છે ને બરાબર લાગે
તે પછી હાથમાં મારા એ કલમ આપે છે !
તે કહી જાય બધી વાત હ્ર્દયની તે જો
હું કહું એમને તો એને શરમ આવે છે
હું અહીં હોઉં છું આખર ને ઊભો છું આખર
તે છતાં ક્રમમાં મને કેમ પ્રથમ આપે છે ?
– ભરત વિંઝુડા
Thursday, February 11, 2016
ચાલ પીડાઓ સહીએ જે સનમ આપે છે
Subscribe to:
Post Comments (Atom)
No comments:
Post a Comment