ઊનાળાની બપોરના ઉકળાટમાં

ઊનાળાની બપોરના ઉકળાટમાં,
વિરહના અસહ્ય .બફારમા,
તારા પ્રેમરૂપી તાપમાં નીતરી રહી છુ,
ચલ,એક પ્રેમવાદળી વરસાવી દે..

દિવસના ઉજાસમા,
રાત્રીના ઘનઘોર અંધકારમાં,
તારી પ્રેમરૂપી યાદોમા તડપી રહી છુ,
ચલ,એક નજરની રોશની આપી દે..

ચોમાસાના અનરાધાર વરસાદમાં,
વીજળી ના ગડગડાટના ભયંકર અવાજમા,
તારા પ્રેમરૂપી સ્વપ્નમાં  ભીંજાઇ રહી છુ,
ચલ,એક હુંફાળો ગરમાવો આપી દે.

શિયાળાની કડકડતિ ઠંડીમાં,
સુર્યના આછેરા તાપમાં,
તારા પ્રેમરૂપી સ્પર્શ નો અહેસાસ કરી રહી છુ,
ચલ,એક હૂંફભર્યુ આલિંગન આપી દે.

-બંસરી
પિનલ સતાપરા