હું બનુ વાંસળી ને જડુ શ્યામને. -લતા ભટ્ટ

હું બનુ વાંસળી ને જડુ શ્યામને,
ગોંદરે વાગુ ગોકુળિયા ગામને.

ચાકડે માટીનો આ ઘડૂલો મૂકી,
જોયું ના તે જરા, શ્યામ એમાં ઝૂકી,

ને રહી હુ ય ગાફેલ, ના મેં કહ્યું,,
કાં બનાવે ના તું વાંસ એ હા મને,.

હું બનુ વાંસળી ને જડુ શ્યામને...
ઝીલતી ઝીલતી શ્વાસ જે કૃષ્ણના,

જીન્દગી પૂર્ણ એ, જેમાં સંધાણ ના,,
છિદ્ર એના પૂરે, છિદ્ર જીવન કેરા,

સાંપડે સૂર, હોઠે એ ઘનશ્યામને.
હું બનુ વાંસળી ને જડુ શ્યામને.

-લતા ભટ્ટ
('ભીતર મળશે ભાળ'માંથી)