ડૉ.ફિરદૌસ દેખૈયા

રક્ષણ કરતા સૈનિકને મા-બાપ સરીખા સ્થાપો 
દિપાવલીની પહેલી વધાઈ આ લોકોને આપો

હાકલ પડતા હાજર થાવું,ભૂલી જવા વહેવારો ,
ભૂલી જવાના રાત દિવસ ને ભૂલી જવા તહેવારો
પળેપળે જે સહન કરે છે વતન તણો ઝુરાપો,
દિપાવલીની પહેલી વધાઈ આ લોકોને આપો

ખોટ્ટેખોટ્ટા ફટાકડાના સુરસુરિયાં શું કરવાં?
સાચુકલા સૌ રોકેટ,બંદૂક,તોપ બધાં વાપરવાં
દિવાળીમાં મજા શું કરવી? શૂટ કરો કે કાપો
દિપાવલીની પહેલી વધાઈ આ લોકોને આપો

‘’જીવ પર ખેલી અમે અમારા દેશનું રક્ષણ કરશું 
કાં તો પાર ઉતરશું,કાં તો ભૂંડા હાલે મરશું
તમે ગમે તે બડબડ કરજો,ગમ્મે એવું છાપો ‘’
દિપાવલીની પહેલી વધાઈ આ લોકોને આપો

-ડૉ.ફિરદૌસ દેખૈયા