ખેલ અઘરો આદરી ચાલ્યા ગયા ,
અધવચાળેથી ડરી ચાલ્યા ગયા .
એક ખૂણો જ્યાં હતો અંગત જરા ,
એ ગલીને ચાતરી ચાલ્યા ગયા .
જેમણે આવી ઉકેલ્યા દાખલા ,
એ જ તો અઘરું કરી ચાલ્યા ગયા .
પ્રેમની પૂંજી જરા ઓછી પડી ,
બે'ક સિક્કા વાપરી ચાલ્યા ગયા .
કાયદો ને પાંજરુ તોડ્યા પછી ,
પાંખ ચરણોમાં ધરી ચાલ્યા ગયા .
માછલીને પામવાના મોહમાં ,
જાળ જેવું પાથરી ચાલ્યા ગયા .
જળકમળવત્ જે રહી શકતા હતા ,
એ કમળને છેતરી ચાલ્યા ગયા .
- પારુલ ખખ્ખર
No comments:
Post a Comment