વિશ્વ કવિતા દિવસની શુભેચ્છાઓ...
આવેગમાં વિરામ, કવિતા વગર નથી
આવો સરસ મુકામ, કવિતા વગર નથી
તારા વદનની દાદ છે બીજે તો ક્યાં લખું?
કાગળ ઉપર સલામ, કવિતા વગર નથી
ઠેબે ચડાવતી રહી દુનિયા ફકીરને
દીવાનગીનાં દામ, કવિતા વગર નથી
વાચ્યાર્થ ખોઇ ને હવે લ્યો ખુશખુશાલ છે
શબ્દોને આ ઇનામ, કવિતા વગર નથી
તમને અનુસરું નહીં તો માફ બસ કરો
હું કોઇનો ગુલામ, કવિતા વગર નથી
ગૌરાંગ ઠાકર
No comments:
Post a Comment