દિવસો જ્યારે વસમા આવે- આતુર

દિવસો જ્યારે વસમા આવે,
હસવા જઇએ  ડૂસકાં આવે.

તૃષ્ણા  સૌની  નોખી-નોખી,
આંખે  પાણી  સરખાં આવે.

સુખ આવે તો એકલ-દોકલ,
દુ:ખનાં      ધાડે-ધાડાં આવે.

દિવસે જેને ભુલવા મથીએ,
રાતે   એનાં     સપનાં આવે.

અર્જુન ડગલું એક ભરે ત્યાં,
દસે  દિશાથી    કાબા આવે.

એરંડાના    ઉજ્જડ    ગામે,
શોભા    માટે      કૂંડા આવે.

જાણ્યું નહોતું આ માળામાં,
લખચોર્યાસી  મણકા આવે.

લોકો કહેતા 'લખતા રહેજો,
અક્ષર    એથી   સારા આવે.'

                      
- 'આતુર'