"ક્યાંથી?" - નિકુંજ ભટ્ટ'રમતીયાળ'

અરીસા માં નજરે આવ્યું અચાનક!
ચહેરા માં ઓચીંતુ આ નૂર ક્યાંથી?

ગફલત ના કર, આ તો સ્મરણ ને લીધે
મારા નસીબ મા તારૂ સ્વપ્ન ક્યાંથી?

હું ક્યારનો સાંભળુ છું ધ્યાન દઇ ને!                આટલા ઘોંઘાટમાં તારો અવાજ ક્યાંથી?

નિહાળું છું રોજ પાંપણ પાડી અને ઉઘાડીને
જોવા ઈચ્છતી આંખ ને અંધારું નડે ક્યાંથી

ચુકાદો આવે છે રોજ, મારી વિરૂધ્ધ
છતાં આ હ્રદય માં હજી લાગણી ક્યાંથી?

રાહ જોવે છે ચોક્કસ, કોઈના આવવાની
નહીતો આ જીવ માં હજી જીવ ક્યાંથી?

ખરાબ હશે! આ દુનિયા તારી એ ઈશ્વર,
નહી તો આ પ્રેમ માં વ્યહવાર ક્યાંથી?

કદર થઈ હશે ગયા પછી 'રમતીયાળ' તારી
જો ! આ મડદા પાછળ આટલી ભીડ ક્યાંથી?

                             
-નિકુંજ ભટ્ટ(રમતીયાળ)