સપનાઓના ટેકે બેસી રાતને સાચવી છે

સપનાઓના ટેકે બેસી રાતને સાચવી છે
ગઝલના શબ્દો થકી જાતને સાચવી છે
ઘટના એકેય ભુતકાળની ભુલ્યા નથી !
અમે યાદોની એ ઝવેરાતને સાચવી છે!
હૃદયમાં હજુ અકબંધ છે મિલનની છાપ!
લાગણીભીના સ્પર્શની ભાતને સાચવી છે
વધતી જાય છે દર્દની પીડાઓ પારાવાર,
મજબુત આધાર રહી,ધાતને સાચવી છે
ભલે આવ્યા નહીં,સ્થળ પર સમયસર !
વહેલાં પહોંચી મેં મુલાકાતને સાચવી છે.
ને સાદગી જોઈને બધા વિચારતા રહ્યા !
બોલ્યા,'તે અમુલ્ય સોગાતને સાચવી છે.
મળે કોઈ દિવસ તો કહેવું છે,'નિખાલસ'
તને કહેવા વર્ષોથી એક વાતને સાચવી છે.
-શૈલેશ ગજ્જર'નિખાલસ'