ચાલ્યાં અમે.

.
જિંદગીનો સાર લઇ ચાલ્યાં અમે,
વેદનાનો ભાર લઇ ચાલ્યાં અમે.
ભૂલવાં ચાહીશ પણ ભૂલાય નાં,
યાદની વણજાર લઇ ચાલ્યાં અમે.
ફૂલની મોસમ હતી હંમેશ ને,
આંખમાં અંગાર લઇ ચાલ્યાં અમે.
થોડું હસતાં થોડું રડતાં જીવતાં,
અવસરો નો પાર લઇ ચાલ્યાં અમે.
ના રહી ચાહત, નથી રસ્તો હવે,
ઈશ્વરી આઘાર લઇ ચાલ્યાં અમે.
શોધવાં મંજિલ મને પણ આવશે,
સ્વપ્નનો આકાર લઇ ચાલ્યાં અમે.
ઝાંઝવાંનાં શોધવાં છે મૂળને,
લ્યો રણે લંગાર લઇ ચાલ્યાં અમે.

'નિરાશ '
અલગોતર રતન