શું મજા છે ?

મેં ઝાકળ ને પુછયું ,
" ક્ષણ વારમાં ઊડી જવામાં
  શું મજા છે ? "
મેં ફૂલો ને પુછયું ,
" ખીલી ને ખરી જવામાં
  શું મજા છે ? "
મેં નદી ને પુછયું ,
" વહી જવામાં
  શું મજા છે ? "
મેં સુગંધ ને પુછયું ,
" વિખરાઈ જવામાં
   શું મજા છે ? "
મેં દિપક ને પુછયું ,
" ખુદને સળગાવવા માં
  શું મજા છે ? "
મેં સૂરજ ને પુછયું ,
" આટલું બધું સતત તપવા માં
  શું મજા છે ? "
                ને.....
  બધાં એ એકી સાથે,
  એકી અવાજે...
  મને પૂછ્યું ,
  માણસ તરીકે જન્મી (અવતરી)
   " માણસ " બનીને
     ન જીવવા મા
      શું મજા છે ? "
  હું અનુઉતર બની ગયો...
  ....જવાબ આજ દિન સુધી નથી
  મળ્યો.
     ----  મુકેશ મણિયાર .