રંગનું છોગુ

પડી છે રાત ત્યારે જઈ મળ્યું છે રંગનું છોગું
સમયસર તો બહુ જૂજ ને જડ્યું છે રંગનું છોગું
ઉપરવાસેથી તૂટ્યા છે લૂના દરવાજા સાતેસાત
બધું ડૂબી ગયું ત્યારે તર્યું છે રંગનું છોગું
તમે કા વ્યર્થ ખેંચો છો નર્યા ફૂલછોડ સામેના
તમારી આંખમાં ખુંપી ગયું છે રંગનું છોગું
સહુને ગમતા રંગોના દઈ સોગંધ પૂછવાનું
કદી લોહીમાં તોફાને ચડ્યું છે રંગનું છોગું
સમયને કહો નહિ ફિક્કો પડે ચહેરાનો એકે રંગ
ત્વચાના સાતમાં ઘરમાં પડ્યું છે રંગનું છોગું
સ્નેહી પરમાર