જરી ભીતર નિરખીએ - સુધીર દત્તા

ઘણું પામ્યો  ,  ઘણું ખોઈ દીધું  , કયારેક  હસવામાં
હવે જે કંઈ  મળે છે , એ બધું  રાખું  છું  ગજવામાં

રસ્તો તો સાવ ટૂંકો છે, ને મંઝિલ  છે બહુ નજદીક
તમે  દોસ્ત , જરા  મોડું  કર્યું ,  ઘરથી  નીકળવામાં

વર્ષો સુધી  સહુ કરતા રહ્યા , બસ  શુભની  પ્રતિક્ષા
સદીઓ વિતી ગઈ છે ,જમણી આંખોના ફરકવામાં

સદા મળ્યો છે  ખાલીપો મને , મારી  ખુલ્લી  આંખે
મળ્યા અઢળક ખજાનાઓ જરી ભીતર નિરખવામાં

ન  પકડો  વિત્યું  તે  , ને  કાલની  ચિંતા  ય  છોડીદો
મજા  તો  છે , ધીરે  ધીરે  ,  સમય  સાથે  સરકવામાં

કહે  છે  ગઝલ  તું  જેને  , એ ફુલ  છે આંસુ સિંચેલું
સુગંધો  વિસ્તરે છે , એના  ખીલવામાં  ને  ખરવામાં

                       સુધીર દત્તા

( તરહી પંક્તિ પ્રખ્યાત ગઝલકાર શ્રી મનહર મોદી ની)