મહોબ્બતની પીડા

ગઝલ :-       મહોબ્બતની પીડા
          ------------------------------------------------

મહોબ્બતની પીડા તો સૌ પીડાઓથી  વધારે  છે.
દરદ  એનું   બધાને   જીવતે જીવ   રોજ  મારે છે.

ઘડીભર આંખ મટકું લઇ શકે નહી આ દશા કેવી,
ઉઘાડી  આંખથી સપના જોવાનું દુ:ખ તો ભારે છે.

હસી લઇએ બધા  વચ્ચે જમાનાને  ખબર શું  છે?
અમારી   આ  હંસી  તો  જુઠના   કોઇ   પ્રકારે  છે.

ન મળ્યા હોત એ સામા અગર આ મોજ ના આવત,
મજા   મારી   તેઓની  આંખના   મોઘમ  ઇશારે છે.

રડી લઇએ હરખના આંસુથી ચાલો 'ધમલ' મનભર,
ગરિમા    પ્રેમની   મારા    હવે    તેઓ   સ્વીકારે  છે.

                               --    દેવેન્દ્ર  ધમલ
લગાગાગા લગાગાગા લગાગાગા લગાગાગા.