મનવા એક ગુરુ બનાવી લે ;
કરમ ધરમથી જિંદગીને સજાવી લે.
મનવા એક ગુરુ બનાવી લે.
પહેલો ગુરુ માં બીજો ગુરુ બાપ ;
વિદ્યા આપે તેને ગુરુ માન આપ .
તારા મનડાને આજ મનાવી લે ,
મનવા એક ગુરુ બનાવી લે.
અંધારેથી અંજવાળા બાજુ લઈ જાશે ;
જીવન આપણું ગુલાબી થઈ જાશે .
તારા મનડાને આજ મનાવી લે ,
મનવા એક ગુરુ બનાવી લે.
અર્જુન, એકલવ્ય કે ઉપમન્યુ થાજે ;
જીવનધન્ય થશે ગીતો ગુરુના ગાજે .
તારા મનડાને આજ મનાવી લે ;
મનવા એક ગુરુ બનાવી લે.- કવિ જલરૂપ
મોરબી
No comments:
Post a Comment