બંધ ક્ષણ એકાદમાં, તું ચાલને વરસાદમાં.
કોઈ પણ સંવાદમાં, તું ચાલને વરસાદમાં.
આગવી ભીનાશ લઈ, ને લઈ પલળવું આગવું;
આગવા અવસાદમાં, તું ચાલને વરસાદમાં.
કોઈ પણ બંધન નહીં કે કોઈ પણ અડચણ નહીં,
વાદ ના વિખવાદમાં, તું ચાલને વરસાદમાં.
એકલી તું? એકલો હું? અપણે બન્ને જણા?
વાદ કે વિખવાદમાં, તું ચાલને વરસાદમાં.
એક વાદળ, એક કાજળ, એક પળ ને એક સ્થળ;
એકલા ઉન્માદમાં, તું ચાલને વરસાદમાં.
- અનિલ ચાવડા
No comments:
Post a Comment