કોણ વાર્તા કાલની આજે કહે છે... ડૉ.ભાવેશ જેતપરીયા.

કોણ વાર્તા કાલની આજે કહે છે,
કોણ મનમાં રોજ ઊગે-આથમે છે.

ક્યાં વસું છું શું કરું છું કેમ છું હું,
કોણ છે જે આ બધું પૂછી શકે છે.

આ અષાઢી સાંજના એકાંત વચ્ચે,
કોણ મારા તનબદનને ભીંજવે છે.

બારમાસી ફૂલ માફક હર ક્ષણોમાં,
કોણ મારા શ્વાસ શ્વાસે મઘમઘે છે.

જિંદગીમાં એક ઝાંખી યાદ સાથે,
કોણ મારી આંખમાં આવી વસે છે.

પારદર્શક વિસ્મયોનાં અંધકારે,
કોણે રાત્રે સ્વપ્નમાં ભેટી પડે છે.
       - ડૉ.ભાવેશ જેતપરીયા.