હરિ! હવે હેલો સંભળાવો હાલો...
હેલો, રામદેવનો હેલો !
જાતરાએ જાનારા વાણિયાની હાર્યે નથી રે આજે કોઇ,
રમત્યુ રમ્યા'તા ત્રણ તલ્લાની, એમાં ખોવાઇ મારી મોઈ !
પ્હેલો માનો તો હું પ્હેલો
નહિતર હું તો છેલ્લો...
હેલો, રામદેવનો હેલો...
ચોર ચોરશે કશુંક એનો નથી મને કંઈ ભય,
તમે જ મારું નાણું,પઇને જાણે મારી બઇ !
હરિ! હાથ મેં ધોયો મુજથી
છતાં રહ્યો કાં મૅલો ???
હેલો, રામદેવનો હેલો...
શબ્દ હવે તો અંધ થિયાં ને લયને નીકળ્યો કોઢ,
ચાદર માની મને પ્રેમથી હરિ હવે તું ઓઢ....
ટેમસર હું થ્યો તમારો....
નહિ મોડો નહિ વ્હેલો,
હેલો, રામદેવનો હેલો.....
હરિ ! હવે હેલો સંભળાવો હાલો...
- અનિલ વાળા
No comments:
Post a Comment