ધૂળ ઢેફા છે, સડક આપો મને,
ગામડું હોવાનો હક આપો મને.
સ્હેજ પણ ઝૂકશો તો ક્યાં મંજૂર છે ?
ક્યાં કહું છું કે મચક આપો મને ?
રોજ મારી આંખ લેશન લાવશે,
સૂચના એવી કડક આપો મને !!
એકલાં હોવું ગુનો ગણશો નહીં,
પંડમાં પેસો, ખટક આપો મને !!
આમ તો મોટા તમે શાયર હશો,
સાફ શબ્દોમાં ગઝલ આપો મને.
એક ક્ષણ વરસો સમી લાગે ભલે,
એક ક્ષણ આખી અલગ આપો મને.
શ્વાસની પીંછી-હવાનો રંગ છે,
આપ બસ પ્યારું ફલક આપો મને.
- આલાપ
No comments:
Post a Comment