કદી ઘટના બની ને પણ હૃદયની પાર જાવુ છે.
સમય જો સાથ આપે તો સમય ની પાર જાવુ છે .
હજી હું ક્યાં સુધી ચિત્રો હવા ની ભીંત પર દોરું?
હવે ખળખળ બની ને મારે પ્રણય ની પાર જાવુ છે.
કદી ક્યાં ખાસ ફાવ્યા છે ધૂરંધર રોજ દોડી ને ?
પરાજય શ્વાસ માં રાખી વિજય ની પાર જાવુ છે .
કથા લાંબી થશે તું બોલ ક્યાંથી બોલવું મારે?
નફો નુકસાન છોડી ને પ્રલય ની પાર જાવુ છે.
કહ્યું કોણે કે પડઘા મોત ના પણ હાથ માં આવે ?
અચળ સાક્ષી બની ને અંતે ઉદય ની પાર જાવુ છે.
-શૈલેષ પંડ્યા "ભીનાશ"
No comments:
Post a Comment