એ કિશનજી....

એ કિશનજી....
તું રોજ રોજ શુ કરે ?
તારે અમારી જેમ થોડું હોય કામ??
કે સાચવવા ના હોય કોઈ વહેવાર ??
છતાં તને ન મળે થોડો ટાઈમ ...
કે તું તો યાદ કરે મુજ સમ પાગલને   !
ન એક ઝલક દર્શાવી શકે..!
તને આખી દુનિયા પ્રેમ કરે !!
ત્યાં મુજ સરખી એક રજકણની શુ વિસાત ?
તું તો સ્નેહનો સાગર ..તેમની હું એક બુંદ !
નસીબ નહિ આ બુંદનું!
કે બનું તારા હાર માંહ્યલું કોઈ મોતી..
પણ કાન્હાજી...
એક વિચાર આવે મને......
તું હતો ગોકુળ કે વૃંદાવન મહી...
ત્યારે હું પણ હઈશ ત્યાં તહીંકહી..
કોઈ ગાય કે કોઈ ગોપગોપી બની ..
કોઈ વૃક્ષ કે કોઈ પથ્થર બની ...
કદાચ હોઉં જમનાજી નું નિર્મળ જળ ..
કે હોઉં કદંબ કેરું કોઈ લીલું પર્ણ..
જોયો હશે તને જરૂર મેં ત્યારે તહીં..
નહીંતર ન હોય હજુ તારી લગની..
છે એટલે વિશ્વાસ તું મળશે જરુર અહીં..
.........નલિની શાહ