ભાવ તીખા સુરતે પડખાય છે... - मासूम मोडासवी

ભાવ તીખા સુરતે પડખાય છે,
ખેલ જાણે આખરી ખેલાય છે.

કોણ કોની વાત માની ચાલતું,
ઠોકરો ના ઢગ જને વર્તાય  છે.

ભાવ એવા રાખતાં વર્તાવ માં,
રંગ મુખે અવનવા વંચાય છે.

જોઇ વિચારી સમય પર ચાલવું,
વાત શાણી ક્યાં હજું સમજાય છે.

થઇ ગયાં માનવ જગતનાં ઘાતકી,
લો પશુતા હદ વટાવી જાય છે.

વાગતાં વાજા પ્રસંગે શોખનાં,
નાચતાં મનખા બધે દેખાય છે.

જિંદગી માસૂમ તમાશે રાચતી,
હર તરફ દેખો તમાશા થાય છે.

- માસૂમ મોડાસવી