ચાલ મરેલી ઈચ્છાઓ દફનાવી દઇએ,
ભાંગ્યા તૂટ્યા સપનાઓ સળગાવી દઇએ.
સૂકાં વુર્ક્ષો છે આ મૂર્છિત વનરાવનમાં,
કૂંપળ અડધી ફૂટેલી ફણગાવી દઈએ.
પ્રાણને કોઇ પંખી સમજી લઇએ નિશદિન,
નભમાં ખુલ્લી પાંખ જરા ફેલાવી દઈએ.
અંતર મનમાં દિવાળી જેવું લાગે છે,
નયનોમાં પાછાં દીપક પ્રગટાવી દઈએ.
કોણ કહે છે હોય નહીં શબ્દોમાં 'ફોરમ'
થોડા કાગળના ફૂલો મ્હેકાવી દઈએ.
- દીપલ ઉપાધ્યાય 'ફોરમ'
No comments:
Post a Comment