કાળ ઉનાળે કૂંપળ ફૂંટી કૂંપળ લાગે ખાસ
ચાર દિશાએ ખીલી ઉઠ્યો લીલવણી અજવાસ
ચકલી મારી છાતી ઉપર ભીનાં પગલાં પાડે
વરસોથી આ બંધ પડેલા દરવાજા ઉઘાડે
સુક્કા પડતર ખેતરમાં પણ ઊગે કૂણું ઘાસ
કાળ ઉનાળે કૂંપળ ફૂંટી કૂંપળ લાગે ખાસ
ફરકે લીલાં પાન હવામાં ગીત મધૂરાં ગૂંજે
ચંચળતાને સહુ પોતાની ધૂપસળીથી પૂજે
ઉપસી આવે મનમાં ઝીણો ઝાલરનો આભાસ
કાળ ઉનાળે કૂંપળ ફૂટી કૂંપળ લાગે ખાસ
- જયંતિ પટેલ
No comments:
Post a Comment