पंखी पांख पसारे धनेश मकवाणा

પોતડી ,ચશ્માં અને એક લાકડી
જે હજારો તોપને ભારે પડી !

સત્યને સ્હેવો પડ્યો'તો રંગભેદ !
લાલપીળી થઈ ઉઠી'તી એ ઘડી

છાપ આખા વિશ્વ પર પાડી ગઈ !
દાંડી યાત્રાએ ગયેલી ચાખડી .

પાંચ ફૂટની સાદગી શું વિસ્તરી ?
આખી આ દુનિયા પડી ગઈ સાંકડી !

અંધ-શ્રધ્ધાથી ગુલામી દૂર થઈ
બાંધી'તી વિશ્વાસની નાડાછડી !

રેંટીયામાં કાળને કાંતી લીધો !
કાળને એની સમજ પણ ના પડી

ઘરના બે ટુકડા થયા,સળગ્યા પછી
બંધ આંખોમાં અહિંસા તરફડી

મોક્ષને પામી ત્રણેત્રણ ગોળીઓ !
ચામડીના તીર્થમાં એ જઈ ચડી !

-ભાવેશ ભટ્ટ