ફાગણની કાળઝાળ સુક્કી વેળામાં તારું પહેલા વરસાદ સમું આવવું

ફાગણની કાળઝાળ સુક્કી વેળામાં તારું પહેલા વરસાદ સમું આવવું
હવે આંખોને કેમ રે ભુલાવવું ?

બળતે બપ્પોર ભીનો પગરવ સુણીને કાઈ વસ્યા કમાડ અમે ખોલ્યા
ચારે આંખોના એવા અંધાર્યા વાદળાં કે શમણે આવેલ મોર બોલ્યા
ઓચિંતા ધોધમાર સામસામે આપને ઉભા રહ્યા-નું પૂર આવવું
ફળિયે પલાશફૂલ નીતરતું ઝાડ અને હું રે વેરી જઉં રાનમાં
મારી હથેળીમાં ય એવી રેખાઓ જેવી રેખા છે ખાખરાના પાનમાં
લીંબોળી વાવીને છાયડા ઊછેરું પણ ચોમાસું કેમ કરી વાવવું ?

ફાગણની કાળઝાળ સુક્કી વેળામાં તારું પહેલા વરસાદ સમું આવવું
હવે આંખોને કેમ રે ભુલાવવું ?

-રમેશ પારેખ