ગીત - જોગી જસદણવાળા

ઓણુંકા વરસાદે ફાલી છે ખૂબ, કૈંક કરવું પડશે આ તારા ઝેરનું રે લોલ...
ઇચ્છાબાઈ! આટલામાં સમજે તો ઠીક, મારું દાતરડું સવ્વા બશેરનું રે લોલ...

મધરાતે ઘમ ઘમ ઘમ ઘમ વાગ્યાં કરે છે પેલી ભોંયે ભંડારેલી ઘુઘરી રે લોલ...
કાલાધબ અંધારે અટવાતી કૂટાતી મનમાં બાંધે છે માળો સુઘરી રે લોલ...

પોથીની આડશમાં છુપેલી ઓઘરાળી ચપટી સમજણના અમે વાણિયા રે લોલ...
ગાંઠે બાંધેલું ગરથ ખર્ચી શકાય એવો રસ્તો દેખાડ વ્હાલા પ્રાણિયા રે લોલ...

તલભારે મૅલ એમાં દેખાશે નહીં ભલે ઊંધા થઈ લાખ મથે ધોબીયા રે લોલ...
ઝીણેરા ચાંદરણા પાડવાને કાજ અમે સાત સાત ભવથી છીએ જોગીયા રે લોલ...

- જોગી જસદણવાળા

हंसने वाले वो हमारी नजर में रहे - मासूम मोडासवी

हंसने  वाले वो हमारी नजर में रहे,
हमभी हंसती मचलती असरमें रहे।

घर बनाने काअपना तो सपना रहा,
पर अकेले ही हम सुने से घरमे रहे।

साथचलने की ख्वाहीश ने पाला हमें
फीर भी  तनहा अकेले सफर में रहे।

आभी  जाते  अगर वो  लगाते गले,
ये  फसाने  मगर  मुख्तसर  में  रहे।

कीतने  फुरकत के सदमें उठाने पडे,
गम से दो चार  हुवे अश्केतर  मे रहे।

रस्मे  दुनिया का करते रहे पास वोह,
युं  जमाने के मासूम  वो डर में रहे।

               
- मासूम मोडासवी

એક અછાંદસ - શિલ્પી

કવિ છું ને!
વેપારી તો ના જ થઈ  શકયો.
આખો દિવસ ફર્યો,
રઝળ્યો,
અરે!
કરગર્યો  પણ ખરો.
ઓલ્યા સેલ્સમેનની ભાષામાં
શું કહે છે?
'ડોર ટૂ ડોર' પણ ગયો!
સાંજ પડી.
કશું  જ વેચી ના શકયો,
છેવટે
વહેંચી  આવ્યો  બધું  ય !

- 'શિલ્પી' બુરેઠા
(કચ્છ)

આસિમ ♡

એક શાયર છું જીવન-કર્મોથી ના અજ્ઞાન છું

વેદનો પણ છું ઉપાસક, કારીએ કુઅરાન છું

કિંતુ જો ઈમાનની પૂછો તો આસિમ સાંભળો

હું ન હિન્દુ છું, ન મુસ્લિમ છું, ફક્ત ઈન્સાન છું

- આસિમ રાંદેરી

બેફામ

એક ચાદર હતી આભની ઓઢવા,
રાતના જોયું તો એ’ય કાણી હતી…
- બરકત વિરાણી ‘બેફામ’

મરીઝ

કેવી મજાની પ્રેમની દીવાનગી હશે !
કે જ્યાં ‘મરીઝ’ જેવો સમજદાર પણ ગયો
- મરીઝ

મિલિન્દ ગઢવી

મૌન મારું આંખથી આકાશ લગ
શબ્દ મારો નખથી નક્ષત્રો સુધી
- મિલિન્દ ગઢવી

જશ્ન-એ-જોગી બ્લોગ બનાવવા બદલ અમારા મિત્ર જોગી જસદણવાળાને ખુબ ખુબ શુભકામના....

ખુબ સરસ બ્લોગ છે, રોજ મુલાકાત લેજો.....

Visit Blog