માણું નિરાંત બે ઘડી તક આપતી નથી

માણું નિરાંત બે ઘડી તક આપતી નથી
આ જિંદગી જરાયે મચક આપતી નથી

ઘેરી વળી છે કેવી હવા ચારેકોર જે
મુક્તિના શ્વાસ લેવાનો હક આપતી નથી

પ્રગટે છે રોજે રોજ આ કેવી હવા જે
ચેહરા ઉપર કોઈના ચમક આપતી નથી

પડછાયા સાથ એકલા લડવાનું રાતદિન
પાછળથી કોઈ તેના કુમક આપતી નથી

જીવનની આ નિશાળના ધોરણનો પ્રશ્ન છે
જે પાક્કો યાદ છે તે સબક આપતી નથી

સઘળી દિશાઓ દૂરથી મંઝીલ બતાવતી
ત્યાં પહોચવાની કોઈ સડક આપતી નથી

તડકામાં આખું માથું ભલે ધોળું થાય પણ
આ રાત એને સુર્યપદ્ક આપતી નથી

'આદિલ' માર્યા પછી અમર થઇ શકાય છે
આ દુનિયા એની સેજે છલક આપતી નથી

~આદીલ મન્સૂરી