ચાલ ને સનમ રમીએ

.
ચાલ ને સનમ રમીએ ,
એકબીજાને પ્રેમનાં રંગમાં બોળી,
તારી મારી આ સનમ,
છે પ્હેલી વ્હેલી હોળી.

         તું ને હું ક્યાક ચાલ્યા જઈએ ,
          વગડામાં એટલે દૂર,
          સ્થળ, કાળને ભૂલી જાશું,
          સાંભળશું દિલનાં આપણા સુર,
પરેશાન કરવાં નહી આવે;
ત્યાં કોઈ આપણને ટોળી.

          એક કદમ જો તું ઉપાડે;
           સો કદમ હું ચાલું ,
           હિંમત હોય તોજ હા ક્હેજે;
            વચન ન આપતી ઠાલું,

તને જોયા પછી મારા દિલે;
તારા નામની પુરી દીધી રંગોળી.
તારી મારી આ સનમ,
છે પ્હેલી વ્હેલી હોળી.

          'નિરાશ' અલગોતર રતન